Әлеуметтік қорғау

Жұмыспен қамту, әлеуметтік бағдарламалар және азаматтық хал актілерін тіркеу бөлімі бойынша  2018 жылы 1 тоқсан бойынша атқарылған жұмыстар   туралы   ақпарат

Жұмыспен қамту, әлеуметтік бағдарламалар және азаматтық хал актілерін тіркеу  бөлімі бойынша өткен 2018   жылы 1 тоқсан қорытындысы бойынша   бірқатар  жұмыстар  атқарылды.   
2018    жылдың   1 сәуіріне  ауылдарды  көріктендіру, көгалдандыру мақсатында  ақылы қоғамдық жұмыстарға    68  адам   қатысты,  тіркелген жұмыссыздар саны -  185   адам. Сондай-ақ  21  жұмыс орындары   ашылып,  37  адам   жұмысқа    орналасты.  Әлеуметтік  жұмыс орындарына  25  адам,  «Жастар  іс тәжірибесі»  арқылы  2   адам  жіберілді.
Ауданда табысы аз отбасыларына қосымша әлеуметтік  қолдау шаралары көрсетілуде. 2018 жылдың 1 қаңтарынан бастап Мемлекет басшысы Н.Ә.Назарбаевтың тапсырмасы бойынша, «100 нақты қадам» Ұлт жоспарына сәйкес аз қамтылған азаматтарды қолдаудың жаңартылған түрі- атаулы әлеуметтік көмек әрекет ете бастады.  Әлеуметтік көмек 2 топқа бөлінеді: шартты ақшалай көмек және шартсыз ақшалай көмек. 2018  жылдың   1 сәуіріне  шартты ақшалай көмек 58   отбасына, соның ішінде  272  алушыға  4,7  млн.  теңге, шартсыз ақшалай көмек  39  отбасына, соның ішінде  155  алушыға  3,3   млн. теңге жаңа форматтағы атаулы әлеуметтік көмек,  37  отбасына   874,8 мың.теңге  тұрғын үй көмегі  тағайындалды.
Жылдың басынан бері есепте тұрған туберкулезбен  ауыратын аз қамтылған  12   адамға   14430 теңгеден   барлығы  173,1 мың    теңге көмек көрсетілді.  Жергілікті бюджет қаржысынан аз қамтылған  6  отбасына   220,0 мың. теңге материалдық   көмек   жасалды.  Сондай-ақ ауылдық  жерлерде жұмыс істейтін  әлеуметтік қамсыздандыру, білім беру, мәдениет, спорт және ветеринария  саласындағы  4   адамға  отын  сатып алу үшін барлығы  39,4 мың. теңге біржолғы материалдық  көмек  берілді.
Үйде оқытылатын   19 мүгедек балаға ай сайын  9076  теңгеден   барлығы 517,3  мың. теңге  жәрдемақы төленді.
«Еңбек» нәтижелі жұмыспен қамту және жаппай кәсіпкерлікті дамыту» бағдарламасы бойынша  еңбекке қабілетті   2 мүгедек ақылы қоғамдық жұмыстарға жіберілді.
Жалғызбасты  2  адамның құжаттары  ресімделіп,  «Самар  арнайы әлеуметтік қызмет көрсету орталығына»   орналастырылды.
8 наурыз күні  мерекесіне орай «Алтын-алқа», «Күміс алқа»  иегерлеріне, 4 және одан да көп баласы бар аналарға  облыстық бюджеттен 10,0 мың  теңгеден барлығы 10,0  млн.  теңгенің көмегі көрсетілді.
Жұмыспен қамту, әлеуметтік бағдарламалар және азаматтық хал актілерін тіркеу  бөлімі бойынша 28 мемлекеттік  қызмет түрлері  көрсетіледі,  2018 жылдың 1 сәуіріне барлығы  866   мемлекеттік қызмет көрсетілді.

ЖҚӘБжАХАТ бөлімі басшысының м.а А.Ботантаева

Әлеуметтік қорғау органдарының қызметі

Бес  институционалды реформаны іске асыру жөніндегі 100 нақты қадам – Ұлт жоспарының 84-қадамын іске асыру шеңберінде әзірленген «Қазақстан Республикасының кейбір заң актілеріне халықты әлеуметтік қорғау мәселелері бойынша өзгерістер енгізу туралы» заңына Мемлекет басшысы 2015 жылғы 29 қазанда қол қойылды.  
Аталған Заңның аясында 2018 жылдың 1 қаңтарынан бастап, жұмысқа жарамды отбасы мүшелерінің міндетті түрде жұмыспен қамту шараларына белсенді қатысу талабымен, әрбір мүшесіне санағанда табысы ең төменгі күнкөріс деңгейінің (бүгінде – 40%) 50 пайыздан төмен отбасыға, атаулы әлеуметтік көмекті (әрі қарай - АӘК) көрсетудің жаңа тәртібін енгізу қарастырылған.
АӘК жаңа үлгіде шартсыз және шартты ақшалай көмек болып 2 түрге бөлінеді.
Шартсыз ақшалай көмек, құрамында еңбекке жарамсыз мүшелері бар отбасыларға (мәселен қарт зейнеткерлер мен мүгедектер отбасы) немесе еңбекке жарамды мүшелері еңбекпен қамту шараларына белгілі бір себептермен қатыса алмайтын отбасыларға (мысалы мектеп жасындағы балалары бар жалғызбасты ана) беріледі. Мұндай отбасылардан жәрдемақы алуы үшін жұмыспен қамту шараларына міндетті түрде қатысу талап етілмейді.

Шартты ақшалай көмек
құрамында еңбекке жарамды кем дегенде бір мүшесі бар отбасыға әлеуметтік келісімшарт жасасқан жағдайда, сонымен қатар, отбасының барлық еңбекке жарамды мүшелері жұмыспен қамту шараларына қатысқан жағдайда беріледі.
 Тұлғаларға тек ақшалай көмек ұсынылмайды, оған жұмысқа орналасуға көмек беріледі, қайта даярлау мен кәсіби біліктілігін арттыру үшін әртүрлі курстарға жіберіледі. Осылайша, отбасының кедейлік жағдайынан шығу мүмкіндігі ынталандырылады.
Міндетті әлеуметтік медициналық сақтандыру дегеніміз (МӘМС) — бұл халықтың денсаулығын сақтау саласындағы мүдделерді әлеуметтік қорғаудың мемлекеттік жүйесі.
МӘМС жүйесіне қатысушыларға уақытылы, қолжетімді, сапалы медициналық және дәрі-дәрмектік көмек ұсыну қамтамасыз етіледі.
Елімізде жаңа жүйені жүзеге асыру мақсатында арнайы әлеуметтік медициналық сақтандыру қоры құрылмақ. Қазақстандықтар осы қорға ай сайын міндетті жарналарын аударады. Ал, қорда сақталған қаржы науқастанған жандардың емделуі үшін емханаларға беріліп отырады. Жаңа қабылданған құжаттың ережесіне сай, қазақстандықтарға медициналық көмектің екі пакеті ұсынылады. Оның алғашқысы – республикалық бюджеттен қаржыландырылатын медициналық көмектің мемлекет кепілдендірілген көлемін ұсынатын базалық пакет, мемлекет есебінен медициналық көмек алу, мұнда жедел жәрдем қызметі, санитарлық авиация, әлеуметтік ауруларға, сонымен қатар төтенше жағдайларда, профилактикалық екпе кезінде көрсетілетін медициналық көмек түрлері енеді. Бұл қызмет барлық азаматтар үшін қолжетімді. Екіншісі – жаңадан құрылатын медициналық сақтандыру қоры ұсынатын сақтандыру пакеті. Яғни, бұл пакетке енетін қызмет түрлері азаматтардың әлеуметтік медициналық сақтандыру қорына аударған жарнасы арқылы жүзеге асады. Екінші қызмет түрлерін амбулаториялық-емханалық көмек, стационарлық көмек, стационарлық алмастыратын көмек, қалпына келтіру емдік-шаралары, медициналық реабелитация, паллиативтік көмек және жоғары технологиялық көмек кіреді.
Әлеуметтік медициналық сақтандыру қорына жарна төлеуден босатылатын азаматтар бар. Қазіргі таңда Денсаулық сақтау және әлеуметтік даму министрлігі мұндай азаматтардың 15 санатын белгілеп отыр. Олардың қатарына:
1) балалар;
2) көп балалы аналар, «Алтын алқа», «Күміс алқа» иегерлері, «Батыр ана» атағын алғандар, І, ІІ дәрежелі «Аналық даңқ» орденімен марапатталған көп балалы аналар;
3) ҰОС қатысушылары және мүгедектері;
4) мүгедектер,
5) жұмыссыз ретінде тіркелген азаматтар,
6) интернатта тәрбиеленіп жатқан тұлғалар;
7) бала тууға, бала асырап алуға, 3 жасқа дейін бала күтіміне байланысты демалыстағы тұлғалар;
8) күндізгі оқу нысандарында білім алып жатқан адамдар;
9) жұмыс істемейтін екіқабат әйелдер, іс жүзінде 3 жасқа дейінгі баланы тәрбиелеп отырған жұмыссыз азаматтар;
10) зейнеткерлер;
11) әскери қызметкерлер;
12) арнаулы мемлекеттік қызмет жұмыскерлері;
13) құқық қорғау органдарының жұмыскерлері;
14) қылмыстық-атқару жүйесі мекемелерінде сот үкімі бойынша жазасын өтеп жүрген адамдар;
15) уақытша ұстау изоляторлары мен тергеу изоляторындағы азаматтар.

  • Әлеуметтік қорғау органдарының қызметі
  • Әлеуметтік қорғау органдарының қызметі
  • Әлеуметтік қорғау органдарының қызметі
  • Әлеуметтік қорғау органдарының қызметі

 

 

Мұрағат

Бөлімнің әлеуметтік-экономикалық көрсеткіштері 2017 ж.  

Бөлімнің әлеуметтік-экономикалық көрсеткіштері 2016 ж.  

Бөлімнің әлеуметтік-экономикалық көрсеткіштері 2015 ж. *.zip, 38 Mb

Бөлімнің әлеуметтік-экономикалық көрсеткіштері 2014 ж. *.doc, 2.3 Mb
Бөлімнің әлеуметтік-экономикалық көрсеткіштері 2013 ж.

Парақтар өзгертілді: 12-04-2018