Ішкі саясат

Отбасылық және гендерлік саясат саласындағы 2017 жылдың і жартыжылдығында Көкпекті ауданы бойынша атқарылған жұмыстар туралы ақпарат

Көкпекті ауданында отбасылық және гендерлік саясатты жүзеге асыру мақсатында «Әйелдер істері және отбасылық-демографиялық саясат жөніндегі комиссия» және «Іскер әйелдер клубы» жұмыс атқарады. 2016 жылғы 6 желтоқсанда Қазақстан Республикасы Президентінің Жарлығымен Қазақстан Республикасындағы 2030 жылға дейінгі отбасылық және гендерлік саясат тұжырымдамасы бекітілді. Қазақстан Республикасы Президентінің жанындағы Әйелдер істері және отбасылық- демографиялық саясат жөніндегі ұлттық комиссияның хаттамасын орындау барысында және жүйелі жұмыс жүзеге асыру үшін 2017 жылға арналған жылдық жоспар құрылып, бекітілді. Ауданның әйелдер қауымы ауданның қоғамдық өміріне белсенділікпен  қатысады. 2017 жылдың І жартыжылдығы қорытындысы бойынша  1 комиссия отырысы өткізіліп, 2 сұрақ қаралды. Комиссия отырысында «Қазақстан Республикасындағы отбасылық және гендерлік саясаттың 2030 жылға дейінгі Тұжырымдамасын жүзеге асыру бойынша 2017-2019 жылдарға арналған іс-шаралар жоспары туралы» және «Ұлт жоспары «100 нақты қадам» аясында кәсіпкер әйелдерді қолдау жөніндегі шаралар туралы» сұрақтар қарастырылды. «Жастар орталығы» КММ-нің  бастамасымен аудандық орталық мешітімен бірлесіп, халықтың әлеуметтік тұрғыдан осал топтарын қолдау мақсатында ағымдағы жылдың басында «Жақсылыққа жарасайық» атты қайырымдылық акциясы сәтті бастама алды. Ақпан айының басында, Көкпекті аудандық № 2 аудандық соттың сот приставы Суйеукенов Р.Ж. «Гендерлік саясат» атты тақырыбында Шығыс Қазақстан облысының Көкпекті аудандық №2 қылмыстық атқару инспекциясы мүшелеріне дәріс оқыды. «Інжу-Маржан»  әжелер ансамблі 5-жылдық мерейтойын аудан тұрғындар үшін Қ.Алтынбаев аудандық мәдениет үйінде мерекелік концертімен атап өтті. «Октябрьская мектеп – балабақша кешені» КММ-нің «Анам, әкем, мен - спорттық отбасы» айдардан «Көңілді старттар» астында спорттық іс-шара өткізілді. 1 наурыз Алғыс айту күніне орай 11 жеке кәсіпкерлер аз қамтылған отбасыларға ата-аналық көмек көрсетті, мүмкіндігі шектеулі алты балаға әлеуметтік пакеттер берілді, жалғызбасты зейнеткерлерге жолдарын қардаң тазалау көмегі көрсетілді. Биыл, мүмкіндігі шектеулі жас кәсіпкер Жанна Жабекова 3 млн көлемінде грант ұтып алып, Көкпекті аудандық және ШҚО Ұлттық палатасының қолдауымен және іскер әйелдер кеңесінің көмегімен қажетті жабдықтар сатып алып жұмсақ ойыншықтар өндіру цехын ашты. Халықаралық әйелдер күніне арналған мерекеге орай аудандық әкімшілігінің қызметкерлері Ұлы Отан соғысының ардагері Валентина Степановна Федосованы үйіне барып, аудан әкімі Рамиль Сагандыковтын  атынан сыйлықтар табыс етті. Наурыз мерекесі қарсаңында Бастаушы ауылында әйгілі «Асыл Мұра» әжелер клубы өзінің 30 жылдық мерейтойын атап өтті. Осы күнге дейін көп жылдар бойы ұлттық салт-дәстүрін сақтап, жастарға патриоттық тәрбие беріп, аға ұрпақты сыйластыққа үйреткен осы ана мен әжелер. 2017 жылдың I жартыжылдығы қорытындысы бойынша аудандық газетінде отбасылық және гендерлік саясат саласындағы жүргізіліп жатқан жұмыстар туралы 15 мақала жарияланды.

 

Ішкі саясат бөлім басшысының м.а. Е.Далилов

 

Мұрағат

  2017 жыл
  2016 жыл
  2015 жыл
  2014 жыл
  2013 жыл
  2012 жыл

 

Парақтар өзгертілді: 17-07-2017