Ішкі саясат

Дін

Көкпекті ауданында дін саласы бойынша атқарылған жұмыстар туралы ақпарат

Көкпекті ауданы бойынша діни ахуал тұрақты.  Көкпекті ауданы аумағында 11 мұсылман және 1 христианды-православтық діни бірлестігі тіркелген. Бүгінгі күні аталған діни бірлестіктерде 11 имам және 1 настоятель жұмыс істеуде. Қазіргі уақытта 11 имамның ішінде 1 имамда жоғары-теологиялық білім, 4 имамда арнаулы орта білім және 6 имамда орта білімі бар.  2017 жылы Өскемен қаласында ҚМДБ-ның ұйымдастыруымен имамдардың біліктіліктерін арттыру бойынша өткізілген 3 айлық курстарына ауданның 4 имамы қатысып, біліктіліктерін арттырды. Ағымдағы жылы ауданның 6 имамын Өскемен қаласында ҚМДБ-ның ұйымдастыруымен өткізілетін 3 айлық курстарына жіберу жоспарлануда.
Аудан тұрғындары арасында ұлтаралық және конфессияаралық келісімнің моделін насихаттау мақсатында діни бірлестіктер мүшелерінің қатысуымен 2017 жылдың басынан 78 іс-шара ұйымдастырылды. Оның ішінде: кездесулер – 46, лекциялар – 14, семинарлар – 5, дөңгелек үстел – 13.  Ұйымдастырылған іс-шараларға  4 мың 345 аудан тұрғыны қатысты. Сонымен бірге жергілікті атқарушы орган өкілдері діни бірлестіктер өкілдерімен бірлесе отырып, 18 іс-шара ұйымдастырылды. Оның ішінде: спорттық іс-шаралар -10, қайырымдылық шаралары - 6 және 2 іс-шара ақпараттық-танымдық бағытта.
Ауданда кофессияаралық тұрақтылықты сақтау, нығайту, дәстүрлі емес діни ағымдар идеологиясының алдын-алу, діни бірлестіктермен жүйелі жұмыс жүргізу мақсатында аудан әкімінің 2012 жылғы 11 наурыздағы №98  қаулысымен «Көкпекті аудандық діни бірлестіктермен байланыстар жөніндегі Кеңес» құрылған, Кеңес мүшелерінің құрамы аудандық мәслихаттың 2012 жылғы 21желтоқсандағы  №10-4/4 (10) шешімімен бекітілді. 2017 жылдың жы басында Көкпекті аудандық діни бірлестіктермен байланыстар жөніндегі Кеңестің  жұмыс жоспары құрылып, бекітілді. Жыл басынан бері бекітілген жоспарға сәйкес  4  Кеңес отырысы өткізіліп, 10 сұрақ қарастырылды.
Аудан көлемінде аудан тұрғындарының діни сауаттылығын арттыру мақсатында дін мәселелері бойынша аудандық ақпараттық-түсіндіру тобы белсенді жұмыс атқаруда. Аудандық ақпараттық-түсіндіру  тобының құрамында мемлекеттік орган өкілдері, қоғамдық пікр көшбасшылары, жастар және діни бірлестіктер өкілдері бар. 2017 жылы дін мәселелері бойынша ақпараттық-түсіндіру тобымен 54 кездесу өткізіліп, 4 мың 300 адам қамтылды. Сонымен бірге, 2017 жылдың 12-14 маусым күндері аралығында облыстық ақпараттық-түсіндіру тобы аудан көлемінде 20 кездесу өткізіп, 800 жуық адам қамтылды. Ақпараттық-түсіндіру тобы мүшелерімен ШҚО дін істері басқармасы ұсынған 2 мың 700 дана таратпа материалдары таратылды. 
Сонымен қатар, аталған таратпа материалдары коммуналдық қызмет түбіртектеріне орналастырылып, 6000 мың дана түбіртек таратылды. 
Ауданда электрондық БАҚ қадағалау бойынша жұмыс жүйелі түрде жүргізілуде. Бұл бағытта ауданда 3 тұрақты блоггер жұмыс атқаруда. Аудан блоггерларымен тұрақты түрде Bконтакте, Фэйсбук, Одноклассники  және Инстаграмм әлеуметтік желілеріне мониторинг жүргізіледі.
Аудан тұрғындарын дін мәселелері бойынша ақпараттандыру мақсатында аудандық «Жұлдыз» «Новая-жизнь» газеттерінде «Руханият» атты айдары ашылды. 2017 жылдың басынан аудандық «Жұлдыз» «Новая-жизнь» газеттерінің  «Руханият» атты  айдарында 21 мақала жарияланды. Барлық ауылдық округтерде діни экстримизм мен терроризмнің алдын алу және конфессияаралық келісімді нығайту мақсатында 17 көрнекі үгіт-насихат материалдары орналастырылған.  
В целом работа по вопросам религии ведется на должном уровне, конфликтов с межэтнической и межконфессиональной окраской не отмечается.

Әлеуметтік желілерде сапалы және жүйелі жұмыс жүргізу мақсатында Фэйсбук және ВКонтакте әлеуметтік желілерінде «Молодежь против экстремизма и терроризма» және «ИРГ Кокпекты» атты топтары құрылған. Аталған әлеуметтік желілерде тұрақты түрде аудио-бейне жазбалар, имамдар мен теологтардың пікірлері жарияланады. Жыл көлемінде аталған әлеуметтік желілердің топтарында 176 материал жарияланды.  
Аудан мектептерінде 9 - сынып оқушыларына аптасына 1 сағат «Дінтану негіздері» сабағы оқытылады. «Дінтану негіздері» сабағын 32 мектепте 9 сыныптың 385 оқушылары оқиды. Оқушылар 100 пайызда кітаптармен қамтамасыз етілген. Сабақты 34 оқытушы  «Тарих» және « Мемлекет және құқық» пәні мұғалімдері оқытады. Оның ішінде 30-ы арнайы оқу курстарынан өтсе, 4-і жұмыстан шығып кеткен мұғалімдерді алмастыру үшін келген мұғалімдер. «Дінтану негіздері» сабағы 2017 жылдың соңына дейін, кесте бойынша өткізілді. «Дінтану негіздері» сабағы мини-конференция, пікір-талас, дөңгелек үстел, шағын жобаларды қорғау түрінде ұйымдастырылады.

Көкпекті ауданында дін саласындағы саясат саласында атқарылған жұмыстар туралы Ақпарат

  2017 ж.  
  2016 ж.  
  2015 ж.  
Парақтар өзгертілді: 21-02-2019