Жаналықтар

Жергілікті өзін-өзі басқару саласын жетілдіру

17 қазан күні Қалихан Алтынбаев атындағы аудандық мәдениет үйінің ғимаратында жергілікті өзін-өзі басқару мәселелерін шешу бойынша облыстық семинар өтті. Іс-шараны ШҚО экономика және бюджеттік жоспарлау басқармасы мен Көкпекті ауданының әкімдігі ұйымдастырды. Қатысушыларға аудан әкімінің орынбасары Жасұлан Майкенов кіріспе сөз сөйледі.
Облыстық экономика және бюджеттік жоспарлау басқармасы басшысының орынбасары Динара Жұманова МӘМ-нің дербес бюджеті мен коммуналдық меншігін енгізу мәселелері бойынша Қазақстан Республикасы Заңының іске асырылу барысы туралы баяндады.
Талқылаудың тағы бір маңызды тақырыбы бюджеттің IV деңгейін енгізуді ескере отырып, Қазынашылық жүйесіндегі жұмыс пен проблемалар болды. Бұл туралы ШҚО бойынша Қазынашылық департаментінің мемлекеттік бюджетті атқару басқармасының басшысы Айжан Мажирова баяндады. Бюджеттің IV деңгейін енгізу жергілікті өзін-өзі басқару органдарының қаржылық және экономикалық дербестігін кеңейтуге, тиісті бюджеттердің жобаларын талқылауға тұрғындарды тартуға, жергілікті проблемаларды шешу процесіне белсенді қатысуға бағытталған.


Бұдан әрі коммуналдық меншік, Мем-лекеттік сатып алу және жергілікті өзін-өзі басқару бюджетінің орындалуы мәселелері талқыланды. Оларды мемлекеттік сатып алу және коммуналдық меншік басқармасының коммуналдық мүлікті басқару бөлімінің басшысы Ғалия Сейтова, Мемлекеттік сатып алу және коммуналдық меншік басқармасының Мемлекеттік сатып алу бөлімінің басшысы Азамат Керейбаев және қаржы басқармасының қолма-қол ақша және кредит беру бөлімінің басшысы Жаннар Қалиева баяндады.
Өңірлік стандарттар жүйесін, "Ауыл – Ел бесігі" арнайы жобасының жүзеге асырылуын, тірек ауылдар мен ауылдық округтердің кешенді даму жоспарларын экономика және бюджеттік жоспарлау басқармасының стратегиялық жоспарлау бөлімінің басшысы Лейла Мүктағанова түсіндірді.
Елбасының 2019 жылғы 27 ақпандағы "NurOtan" партиясының XVIII съезінде берген тапсырмаларына сәйкес "Ауыл – Ел бесігі" жобасын іске асыру басталды. Бұл жобаның мақсаты: ауылда өмір сүру сапасын жақсарту және ауылдық аумақтарды жаңғырту болып табылады.
Жеке бюджетті енгізу бойынша өз тәжірибесімен Қойгелді Аухадиев атын-дағы ауылдық округінің әкімі Меруерт Малғаждарова бөлісті. Ол осы қызметтің артықшылықтары мен негізгі проблемалары туралы айтты. Іс-шара соңында пікір алмасып, аталған мәселелер талқыланды.

Виктория ГАРМАШОВА